Шағын жинақты мектепте география пәнін оқыту ерекшеліктері

Аннотация

Білім беру жүйесінің біртұтас және түбегейлі өзгерістерге ұшырауы ауыл мектептеріне, әсіресе соның ішінде шағын жинақталған мектептерге әсерін тигізбей қоймайды. Ауылдық шағын жинақты мектептер жалпы мемлекеттік білім беру жүйесінің негізгі құрамдас бөлігі бола отырып, ауылшаруашылық өндірісі мен ауыл мәдениетін көтеретін кадрлар даярлаудың басты құралы болып табылады. Шағын жинақталған мектептерде білім беру процесін ұйымдастыру мұғалімді даярлауға, оның кәсіби қызметіне көзқарасына арнайы талаптар қояды. Мақалада қазіргі таңдағы Қазақстан Республикасының шағын жинақты мектептерін дамытудың перспективалары мен проблемаларына талдау жасалды, шағын жинақты мектептерде географияны оқыту бойынша ұсыныстар берілді. Сонымен қатар мұндай мектептердің елді мекендерді сақтаудағы, шаруашылықтың дәстүрлі салаларын кеңейтудегі, демографиялық жағдайды жақсартудағы, ауылдық қоғамда мәдени білім беру кеңістігін құрудағы рөлі қарастырылады. Зерттеу нәтижелері мұғалімдерге әдістемелік көмек көрсетуге және шағын жинақты мектептерде білім беру сапасын арттыруға бағытталған. Шағын жинақталған мектептер үшін географияны оқытудағы әдістемелік тәсілдер (пәндерді интеграциялау, "тік жұмыс") және тапсырмалар жинақталды. Түркістан облысының шағын жинақты мектептерінің 25 мұғаліміне сараптамалық сауалнама жүргізілді. Шағын жинақталған мектептерде географияны оқыту мектептiң мөлшерiмен, ресурстарының болуымен және оқушылар құрамымен айқындалатын бiрегей проблемалар мен мүмкiндiктермен байланысты. Ауылдық жерлерде немесе халқы аз аудандарда орналасқан бұл мектептер әдетте бірнеше сыныпты бір сыныпқа біріктіреді, бұл әртүрлі жастағы топтар мен оқыту қажеттіліктерін ескеру үшін оқытуға инновациялық тәсілдерді қолдануды талап етеді.

Түйін сөздер: білім беру, шағын жинақты мектеп, біріктірілген сынып.