Әлемдік рейтингтердегі Қазақстандық ЖОО: трендтер, қозғаушы күштер және мәселелер

Аннотация

Жоғары білім беру саласындағы мемлекеттік саясат басым бағыттарының бірі қазақстандық ЖОО орындарын университеттердің әлемдік рейтингтерінде ілгерілету болып табылады. Тиісті нысаналы индикаторлар Президенттің Қазақстан халқына Жолдауларында да, сол сияқты білім мен ғылымды дамытудың мемлекеттік бағдарламаларында да көрініс табады. Мемлекеттің осы стратегиясы жоғары мектепте білім беру қызметтерінің сапасын арттыруға және қазақстандық ЖОО-ны зерттеу университеттеріне айналдыруға бағытталған, олар кейіннен инновациялық, ғылымды қажетсінетін экономиканың хабына айналуға тиіс. Бұл мақалада QS, Times Higher Education (THE) әлемдік рейтингтеріндегі университеттердің бағалау индикаторлары, Қазақстан университеттерінің ұстанымдары мен балдары талданды. Қазақстанның жекелеген Жоғары оқу орындарының стратегиялық құжаттары, сондай-ақ әлемдік рейтингтерде ілгерілету бойынша нысаналы индикаторларға қол жеткізуге бағытталған ішкі тетіктер қарастырылды. Қазақстанның ЖОО академиялық және беделдік қызметке байланысты көрсеткіштер бойынша неғұрлым жоғары балл жинайтындығы анықталды. Университеттің әлемдік рейтингтердегі алға жылжуы, сонымен қатар оның ұстанымдарына тікелей және жанама түрде әсер ететін басты факторларының бірегейлері қаржыландыру деңгейі, жас таланттар мен жетекші ғалымдарды, оның ішінде шетелдік ғалымдарды тарту, әлемнің рейтингтік журналдарында жариялау белсенділігі болып табылады. Түйін сөздер: университеттердің әлемдік рейтингтері, қазақстандық ЖОО, нысаналы индикаторлар, рейтингтік бағалаудың ішкі жүйелері.