21 ғасырдың 4К дағдылары тұрғысынан ағылшын тіліндегі оқу құралдарын талдау
DOI:
https://doi.org/10.26577/JES.2021.v69.i4.09Аннотация
ХХІ ғасырдағы инновация жетістіктері өмірде тиімді болу үшін қажетті қабілеттер мен дағдылар кеңінен өзгерді. Ағылшын тілі дүниежүзілік тіл және мектеп пәні ретінде оқытудың көптеген әдістемелік өзгерістері мен жаңа әдістемелерін орындауда басты рөл атқарады. Ағылшын тіліндегі оқулықтар білім беру мен оқытудың маңызды бөлігі бола отырып, оқу бағдарламасына жаңа әдістемелерді қосуға әсерін тигізеді. Сондықтан қазіргі зерттеуіміз ағылшын тіліндегі оқулықтардағы 21-ші ғасыр 4К дағдыларын яғни қарым-қатынас, ынтымақтастық, сыни тұрғыдан ойлау, шығармашылықты зерттеуге бағытталған. Осы себепті сапалылық әдісі қолданылды – контент және анализ дизайны. Деректер іштей және сырттай бағалау парақшалары арқылы жинақталды, соған байланысты әдебиеттер мен сол саланың сарапшыларының пікірлері негізге алынды. Зерттеу халықаралық баспа компаниялары құрастырған 9-сыныптың үш оқулық сериясына бағытталды, атап айтқанда Оксфорд Университетінің English Plus, Express Publishing-тің Excel және MM Publications компаниясының Fall Blast оқулықтары. Бұл оқулықтар ҚР Білім және ғылым министрлігінің ұсынысы бойыша таңдалып, барлық орта мектептерде қолданылады. Зерттеуші орта мектепте 9-шы сыныптарға білім бергендіктен, бұл зерттеу үшін 9-шы сынып оқулықтары таңдап алынды. Зерттеу нәтижелері бойынша әр курстық топтамада ХХІ ғасыр дағдылары белгілі-бір дәрежеде көрініс тапты және көбінесе жоба жасау, сөйлеу және жазу тапсырмаларын қамтитындығы анықталды. Алынған нәтижелерге сәйкес, шығармашылық, жауапкершілік, әлеуметтік дағдылар, икемділік пен бейімділікке қатысты шектеулі нәтижелер бар екендігі анықталды. Сонымен қатар, ақпараттық сауаттылыққа, инновацияларға, проблемаларды шешуге, медиа-сауатқа, АКТ-ға, мәдениетаралық дағдыларға, өнімділік пен есеп берушілікке, бастамаға, тәуелсіздікке және көшбасшылыққа байланысты нәтижелер анықталмады.
Түйін сөздер: ХХІ ғасыр дағдылары, қарымқатынас, ынтымақтастық, сыни тұрғыдан ойлау, шығармашылық, оқулықты талдау, бағалау, ELT оқулықтары
