Іc-әрекеттегі зерттеу жобасы негізінде магистратура бағдарламасын жаңарту: академиялық дағдыларды дамытудың теория және практика мәселелері
DOI:
https://doi.org/10.26577/JES.2022.v73.i4.03Аннотация
"Сапалы білім - Білімді ұлт" ұлттық жобасында іс-әрекеттерді зерттеу (АR) тәсілін білім беру жүйесіне жүйелі түрде енгізу көзделеді. Экономикалық ынтымақтастық және даму ұйымының (ЭЫДҰ) болашаққа бағдарланған "Білім және Дағдылар 2030" жобасына сәйкес сапалы білім, дағдылар, қабілеттер мен құзыреттер, үздіксіз оқыту, мақсат қою, сыни тұрғыдан ойлау, шығармашылық, өзін - өзі тану, өзін-өзі реттеуді жақсарту мен дамытудың, "оқытуды оқытудың", когнитивтік және метакогнитивтік дағдылардың маңыздылығы. Осы саладағы көптеген зерттеулердің нәтижелеріне сәйкес магистрлік зерттеулер мен академиялық жазу дағдыларын қалыптастыру кезінде отандық және шетелдік деңгейлерде анықталған проблемалар теория мен практика арасындағы алшақтыққа, ақпараттық-коммуникативтік дағдылардың төмен деңгейіне, статистикалық деректерді өңдеудегі қиындықтарға, ақпараттық бағдарламаларды қолдана отырып библиографиямен жұмыс істеуге байланысты. Мақалада теория мен практика арасындағы алшақтықты жою, магистрлік диссертациялар мен академиялық жазуды ғылыми зерттеу сапасын арттыру мақсатында Қазақстанның магистрлік бағдарламасы шеңберінде іс-әрекеттегі зерттеу жобасын дәйекті іске асыру қажеттілігі қарастырылады. Бұл дәлел ZOOM платформасындағы іс-әрекеттегі зерттеу жобасы негізінде үш циклде бірлескен эксперименттік зерттеу арқылы расталды (бұл платформа филология факультетінің бірінші курс студенттерінің оқу үлгеріміне когнитивті және метакогнитивтік оқу стратегияларының әсерін анықтау мақсатында білім беру процесінде белсенді қолданылады және техникалық, ұйымдастырушылық және креативті сипаттағы артықшылықтарға ие ең қолжетімді ресурс болып табылады). Ұсынылған жобаны табыстылық критерийлерінің талаптарына сәйкес жетілдіру және оны Қазақстанның ғылыми-педагогикалық бейінінің магистрлік бағдарламасына енгізу білім және ғылым саласындағы теория мен практика мәселелерін шеше алады.
Түйін сөздер: іс-әрекеттегі зерттеу жобасы, іс-әрекеттегі зерттеу әдіснамасы, магистрлік диссертация, теориялық білім, педагогикалық практика, эксперимент, танымдық және метатанымдық стратегиялар.
